«Վարակ» ֆիլմը դեռ 2011-ին կանխատեսե՞լ էր կորոնավիրուսը

2011 թվականին էկրանավորված «Վարակ» ֆիլմը ժամանակին բլոկբաստեր չդարձավ, սակայն այսօր այն հայտնվել է ԱՄՆ-ում iTunes Store- ի ամենաշատ բեռնված ֆիլմերի ցանկում, իսկ Google- ում որոնումների քանակով ռեկորդային քանակ ունի:

Դեկտեմբերին, երբ աշխարհն առաջին անգամ լսեց Չինաստանում նոր կորոնավիրուսի առկայության մասին, ֆիլմը ամենաշատ փնտրվողների շարքում զբաղեցնում էր ընդամենը 370-րդ տեղը, երեք ամսվա ընթացքում «Վարակը» այնքան մեծ պահանջարկ ունեցավ, որ այսօր հետ է մնում միայն «Հարի Փոթեր» շարքից:

Պատճառը մեկն է՝ ֆիլմի սցենարը կարծես նկարագրի մեր օրերը, կորոնավիրուսի համաճարակը:

Երբ աշխարհն իմացավ կորոնավիրուսի համաճարակի մասին, ֆիլմի գլխավոր դերասանուհի Գվինեթ Փելթրոուն ֆիլմի նկարահանումից նկար տեղադրեց

Instagram- ում , գրելով. «Ես արդեն եղել եմ այս ֆիլմում», - այնպես որ հանգիստ եղեք, զերծ մնացեք ձեռքսեղմումներից, ավելի հաճախ լվացեք ձեր ձեռքերը»:

ֆիլմի սցենարն ու մեր իրականության հետ համընկնումներն իսկապես տպավորիչ են: Ֆիլմում վիրուսի աղբյուրը եղել է Ասիայում, հիվանդության առաջին կրողները կենդանիներ են, երկրում հայտարարվել է կարանտին, իսկ զանգվածային իրադարձությունները չեղարկվել են:

Գլխավոր հերոսուհին, ձեռքսեղմման միջոցով MEV-1 վիրուսով վարակվում է խոհարարից, ով խոզի միս էր պատրաստում, իսկ խոզը, իր հերթին, վարակվել էր չղջիկից:

Կինը վերադառնում է տուն՝ Միացյալ Նահանգներ, հիվանդանում է, և շուտով մահանում է: Հատկանշական է, որ փորձագետները նշում են, որ Ուհանում վարակը

սկսվել է այն բանից հետո, երբ դեկտեմբերին վիրուսը հատել է միջանձնային պատնեշը և կենդանուց մարդուն է փոխանցվել:

Նրանք նշում են, որ շատ հավանական է, որ, չղջիկները վիրուսի հիմնական աղբյուրն են հանդիսացել, իսկ հետո կենդանիների միջոցով անցել են մարդկանց:

Այժմ սոցցանցերում մարդիկ ակտիվորեն քննարկում են այն, ինչ կատարվում է էկրանին և զուգահեռներ անցկացնում այսօրվա հետ:

Ֆիլմի և մեր իրականության միջև նմանություններ գտնելու համար առաջարկում ենք մեկուսացման օրերին դիտել այն...

1 Վարակ, Contagion (2011)
Բժիշկների միջազգային կազմակերպությունը ԱՄՆ Հիվանդությունների վերահսկման և կանխարգելման կենտրոնի հետ համատեղ փորձում է խանգարել մահացու վիրուսի տարածմանը ։
Ավելացնել մեկնաբանություն
KINOTOON