Կինո՝ առանց ցենզուրայի. Իտալիան չեղյալ է համարել գրաքննության մասին օրենքը

Իտալիան չեղյալ է համարել գրաքննության մասին օրենքը, որը ընդունվել էր դեռևս 1914 թվականին:

Իտալիայում ֆիլմերն այժմ դասակարգվելու են ըստ տարիքային խմբերի: Վարկանիշը որոշելու է հատուկ հանձնաժողովը, որում ընդգրկված կլինեն 49 մարդ, այդ թվում կինեմատոգրաֆիայի և կրթության մասնագետներ և երեխաների և կենդանիների իրավունքների պաշտպաններ: Կինոնկարներն այլևս չեն կարող արգելվել քաղաքական, էթիկական, կրոնական կամ այլ հիմքերով:

«Վերջապես քանդվեց վերահսկողության և միջամտության համակարգը, որը երկար ժամանակ պետությանը թույլ էր տալիս միջամտել կինոգործիչների ազատությանը», – նշել է երկրի մշակույթի նախարարը: