Անջատեք AdBlock-ը՝ տեսանյութերը բարձր որակով դիտելու և
կայքը ճիշտ արտաբերելու համար:
Պրեմիում
Ամանորին մնացել են հաշված օրեր, ինչը նշանակում է, որ այժմ ժամանակն է մտածել նվերների մասին, լսել Ֆրենկ Սինատրայի՝ վաղուց սիրելի դարձած հիթերը և դիտել ամանորյա ֆիլմեր։ Իհարկե, մեզանից շատերը նախընտրում են հին ու բարի, նոստալգիկ ֆիլմերը, մինչդեռ ինչ-որ մեկը մշտական որոնումների մեջ է:
Առանձնացրել ենք Netflix-ի՝ Սուրբ Ծննդյան ամենահետաքրքիր ֆիլմերն ու հեռուստահաղորդումները:
1
Դղյակ Սուրբ Ծննդյան համար / A Castle For Christmas (2021)
«A castle for Christmas» ռոմանտիկ կատակերգությունը գլխավորել է Ուկրաինայի Netflix-ի ամենահայտնի ֆիլմերի վարկանիշը։ Բրուք Շիլդսը մարմնավորում է հայտնի ամերիկացի գրող Սոֆի Բրաունին, որն Ամանորին մեկնում է Շոտլանդիա՝ նոր գրքի թողարկման հետ կապված սկանդալից խուսափելու համար։ Այնտեղ նա սիրահարվում է շոտլանդական դղյակին, որտեղ էլ կանգ է առնում՝ հանդիպում է նրա խորհրդավոր տիրոջը՝ մռայլ դեմքով շոտլանդացի դուքսին: Ֆիլմը նկարահանվել է Էդինբուրգի շքեղ գոթական առանձնատանը, հետևաբար տպավորիչ դեկորացիաներն ու շոտլանդական գեղատեսիլ բնապատկերները երաշխավորված են: Կինոքննադատների կարծիքով սա իդեալական ֆիլմ է դեպի Սուրբ Ծննդյան հեքիաթային աշխարհ փախուստի համար:
2
Սուրբ Ծնունդ անունով տղան / A Boy Called Christmas (2021)
Նպատակասլաց երիտասարդ Նիկոլասը ճակատագրին դեմ դիմաց հանդիպելու մտքով մեկնում է կախարդական մի երկիր, որտեղ էլֆեր են բնակեցված: Նա պետք է գտնի իր հորը և հույսով վերադառնա տուն: Ֆիլմը հիմնված է բրիտանացի գրող Մեթ Հեյգի բեսթսելեր գրքի վրա, որի գործողությունները տեղի են ունենում Ֆինլանդիայում: Հերոսի հետ հանդիսատեսը կուղևորվի Արկտիկական շրջանից այն կողմ:
3
Անհանգիստ մարդիկ / Anxious People (2021)
Անհանգիստ մարդիկ շվեդ գրող Ֆրեդերիկ Բեկմանի համանուն բեսթսելեր գրքի ադապտացիան է։ Օրիգինալ և հուզիչ պատմություն է բանկի անհաջող կողոպուտի մասին, որը տեղի է ունենում Ամանորի գիշերը։ Ոստիկաններից փախչող կողոպտիչը փակվում է բնակարանում, որտեղ ռիելթորը ապագա գնորդին ներկայացնում է տունը: Կողոպտիչը պատանդ է վերցնում 8 հոգու, բայց ի վերջո ինքն է դառնում այդ մարդկանց պատանդը։
4
Robin Robin
«Ռոբինը» տոնական մուլտֆիլմ է հանրահայտ «Sean the Sheep» և «Chicken Run» անիմացիոն ֆիլմերի ստեղծողների շնորհիվ: Սա պատմություն է մի թռչնի մասին, որը մեծացել է մկների մեջ։ Մեծանալուն պես, Ռոբինը ճամփա է ընկնում իր ընտանիքին փնտրելու նպատակով՝ իր ծագման մասին ճշմարտությունը պարզելու հույսով: Սուրբ Ծննդյան նախօրեին տեղի ունեցող պատմությունը բացահայտում է սեփական ինքնության փնտրտուքի կարևոր պահերը՝ ներկայացված զվարճալի ձևով:
5
Christmas Flow
Christmas Flow ֆրանսիական ռոմանտիկ սերիալի հերոսներըը սիրված ռեփեր և լրագրող են, որոնց միջև «կասկածելի համակրանք է առաջանում»: Արդյոք զգացումը կվերածվի ավելիին»։ Ֆիլմի գործողությունները տեղի են ունենում Փարիզում, և դա միանշանակ հավելյալ հմայք է հաղորդում սերիալին։
