5 խորհրդանշական ֆիլմային զույգեր, որոնք հիանալի կերպով ցույց են տալիս, թե ինչ են իսկապես անառողջ հարաբերությունները

Գրեթե յուրաքանչյուր ֆիլմի սյուժեում սիրային գիծ կա։ Եվ հաճախ կերպարների փոխհարաբերությունները, ինչպիսին էլ որ դրանք լինեն, ներկայացվում են այնպես, որ գերում են բազմաթիվ հեռուստադիտողների։ Եվ մենք ակամա հիանում ենք կերպարների փոխկապակցվածությամբ։ Այնուամենայնիվ, որոշ ժամանակ անց, ուշադիր դիտելով  որևէ ֆիլմ և մտածելով դրա մասին, մենք հասկանում ենք, որ զուգընկերների հարաբերությունները հեռու էին ստանդարտից:

Եկեք տեսնենք, թե ինչպես են հայտնի ֆիլմերը ներկայացնում հարաբերություններ, որոնցից արժե խուսափել իրական կյանքում...

1. Ջոել և Կլեմենտին - «Մաքուր բանականության հավերժ փայլատակում» («Eternal Sunshine of the Spotless Mind»)
Սա երկու հակասական, ընկճված, իմպուլսիվ մարդկանց պատմություն է։ Կլեմենտինն ու Ջոելը զույգ էին, բայց հետո խնդիրները միասին լուծելու փոխարեն պարզապես որոշեցին ջնջել միմյանց հիշողությունից։ Այս կերպարների կյանքում ամեն ինչ կա՝ դեպրեսիվ տրամադրություններ, բախում, և միմյանց արժեզրկում: Ժամանակակից աշխարհում այս հերոսները երկու մանուկ էգոիստների տեսք կունենան: Կլեմենտինը ջնջեց Ջոելի մասին հիշողությունները և վրեժխնդրության համար որոշեց մոռանալ նրան։ Թեև կարող էր պարզապես նստել և խոսել...
2. Թոնի և Ջորջիո - «Իմ թագավորը («Mon roi»)
Այս զույգը համակցված հարաբերությունների օրինակ է. որքան վատ է իրեն պահում Ջորջիոն, այնքան ավելի ուժեղ է Թոնիի ցանկությունը՝ հաղթելու իր սերը: Նրանք չեն կարող լինել միասին կամ առանձին: Ահա թե ինչ է լինում, երբ կինն ընտրում է տղամարդու, որն ի վիճակի չէ ուշադրություն դարձնել իր վրա, հոգ տանել իր մասին և պատասխանատու լինել հարաբերությունների համար։ Երկուսն էլ ցածր ինքնագնահատական ​​ունեն։ Ջորջիոյին պետք է համբերատար և ներողամիտ կին, որը պատրաստ է իր փոխարեն ամեն ինչի։ Իսկ Թոնիին պետք է տղամարդ, որը ցանկանում է ապրել իր համար, լինել իր հերոսը։
3. Քերի և միստր Բիգ - «Սեքսը մեծ քաղաքում» («Sex and the City»)
Միստր Բիգը Քերիին պահում է մշտական անհանգստության մեջ հենց սկզբից: Նա խնդրում է նրան ժամադրության գալ, իսկ հետո չեղարկում է այն՝ թողնելով նրան սպասման մեջ: Քերին մշտապես մերժում է առողջ հարաբերությունները՝ հօգուտ միտումնավոր կործանարար հարաբերությունների՝ փորձելով պահել մի տղամարդու, որն իրեն լուրջ չի վերաբերվում: Նա գործում է իսկական նարցիսիստի պես՝ բացարձակ անտեսելով նրա զգացմունքները։ Բայց ամեն անգամ հերոսուհին ներում է սիրելիին և ևս մեկ հնարավորություն տալիս իրենց հարաբերություններին։ Իրական կյանքում 99,9% հավանականությամբ նման սիրավեպը ոչ մի լավ բանով չէր ավարտվի։
4. Կապիտան Ջեք Ճնճղուկը և Անժելիկան - «Կարիբյան ծովի ծովահենները. Օտար ափերին» («Pirates of the Caribbean: On Stranger Tides»)
Ամբողջ ֆիլմի ընթացքում Ջեքն ու Անժելիկան հայհոյում են միմյանց, վիրավորում, օգտագործում միմյանց ստոր նպատակների համար և նույնիսկ չեն թաքցնում դա։ Ջեքը գրեթե բացահայտ ասում է, որ Անժելիկան իրեն որպես անձ չի հետաքրքրում։ Արդյունքում այս «սիրո» պատմությունը երջանիկ ավարտ չի ունենում։ Չնայած այն հանգամանքին, որ նրանք միմյանց խոստովանում են իրենց զգացմունքները, Ջեքը կարծում է, որ Անժելիկան իրեն չի ների այն, ինչ արել է իր հոր հետ, և աղջկան թողնում է ամայի կղզում։
5. Դրոգո և Դեյներիս - «Գահերի խաղը» («Game of Thrones»)
Դրոգոյի և Դեյներիսի հարաբերությունները «Գահերի խաղում» չափազանց ռոմանտիկացված են: Չէ՞ որ աղջկան Դրագոյին վաճառել է իր իսկ եղբայրը՝ Վիսերիսը, որպեսզի նա օգտագործի նրան երկաթե գահի համար պայքարելիս։ Հետևաբար, այստեղ անհավանական է, որ իրական սեր կտեսնեք։

Ունե՞ս հետքրքիր մտքեր, որոնք կուզեիր կիսել բոլորի հետ կամ պարզապես դիտել ես ֆիլմ և ուզում ես կիսվել տպավարություններով, ապա «բլոգ» բաժինը հենց քեզ համար է։

Գրանցվի՛ր և կատարիր քո առաջին բլոգային գրառումը