1
Հետապնդելով երջանկությանը / В погоне за счастьем (2006)
Գործողությունները սկսվում են 1981 թվականին Կալիֆորնիա նահանգի Սան Ֆրանցիսկո քաղաքում։ Լինդա և Կրիս Գարդներներն ապրում են փոքր բնակարանում իրենց որդու՝ Կրիսթոֆերի հետ։ Կրիսը ծախսել է ընտանիքի ողջ ունեցվածքը՝ գնելով դենսիստոմետրեր `հետագայում վաճառելու նպատակով։ Այդ սարքավորումները կատարում էին ավելի ճիշտ և կոնկրետ նկարներ քան ռենտգենը, սակայն բժիշկների մեծամասնությունը, ում այցելում էր Կրիսը `կարծում էին, որ դրանք շատ էին թանկ։ Լինդան աշխատում էր մոտակա հյուրանոցի լվացքատանը։ Իրենց հարաբերությունների լարվածությունը ուղիղ համեմատական է տան և կոմունալ վարձերի պարտքին։ Լինդան, հույս չունենալով պաշտոնի բարձրացում ունենալ, գնում է Նյու-Յորք, որտեղ իրեն սպասում է ավելի լավ աշխատանք։ Կրիսը պնդում է, որ Կրիստոֆերը մնա իր հետ։ Երկար խոսակցություններից հետո Լինդան համաձայնվում է։ Որդու խնամքն իր վրա վերցնելով՝ միայնակ հայրը չի կարողանում վճարել տան համար և նրանց դուրս են հանում։
2
Արքան խոսում է! / Король говорит (2010)
«Արքան խոսում է» ֆիլմը պատմում է բրիտանացի միապետ Գեորգ VI-ի մասին, որը կարողացել է լոգոպեդ Լայոնել Լոգի օգնությամբ հաղթահարել կակազությունը և հրապարակային ելույթներ ունենալ: Ֆիլմում գլխավոր դերերում հանդես են եկել Քոլին Ֆերտը և Ջեֆֆի Գրինը:
3
Հոկտեմբերյան երկինք / Октябрьское небо (1999)
Երբեմն պետք չէ լսել, թե ինչ են ասում ուրիշները: Դու պետք է լսես միայն ինքդ քեզ: Սառը պատերազմի ամենաթեժ շրջանում Խորհրդային Միությունը առաջին անգամ արհեստական արբանյակ է արձակում: Փոքրիկ բանվորական քաղաքում ապրող դպրոցական Հոմերի համար այդ իրադարձությունը դառնում է այն կետը, որը անվերադարձ շրջում է նրա կյանքը: Հակառակվելով հոր կամքին` նա սկսում է զբաղվել հրթիռային տեխնիկայի ուսումնասիրմամբ և մասնագիտանում այդ ոլորտում: Իսկ երբ կա նպատակ, և դու ապրում ես միայն այդ մտքով, ապա քեզ այլևս ոչ մի բան չի կարող կանգնեցնել:
4
Մարդը, ով փոխեց ամեն ինչ / Человек, который изменил всё (2011)
Մայքլ Լյուիսի վեպի հիման վրա նկարահանված հետաքրքիր մի պատմություն բեյսբոլային թիմի մարզիչ Բիլլի Բինի մասին: Նրա թիմը առանձնապես աչքի ընկնող չէ, բացի այդ գրեթե ոչ մի ֆինանսավորում չի ստանում, սակայն Բիլլիի նպատակն է նրանց դարձնել իրական սպորտսմեններ՝ նպատակասլաց և ուժեղ ոգով:
5
Ուոլթեր Միթիի անհավանական կյանքը / Невероятная жизнь Уолтера Митти (2013)
Սյուժեն Ջեյմս Թեբերի գրքի 21-րդ դարի տարբերակով է։ Ուոլթեր Միթին Life ամսագրի աշխատակիցն է։ Ուոլթերի հայրը մահացել էր, երբ նա փոքր էր, այժմ նա ուներ մորը և փոքր-ինչ տարօրինակ քրոջը։ Ուոլթերի աշխատանքը շատ խիստ գրաֆիկով է, սակայան նրա երազանքները գնում են շատ ավելի հեռու։ Նա իրականացնում է ֆանտաստիկ ճանապարհորդություններ՝ պատկերացնելով իրեն տիեզերագնացի, ճանապարհորդի կամ էլ անդիմադրելի Կազանովի դերում։ Ուոլթերը սիրահարվում է իր նոր գործընկերուհուն՝ հաշվապահ Շերիլ Մելհոֆին. նա միայն երազում է այդ մասին։ Ամսագրի ընկերությունը որոշում է, որ հաջորդ թողարկումը կլինի վերջինը, որը կտպագրվի, դրանից հետո ամսագիրը կլիներ միայն «թվային»։ Սրա պատճառով սպասվում էին խոշոր չափի կրճատումներ։ Ամսագրի գլխավոր էջում պետք է լիներ Շոն Օ՛Կոնելի լուսանկարը, ով համարվում էր լավագույն լուսանկարիչը։ Նկարը գտնելու միակ տարբերակը Շոնին գտնելն էր։ Ուոլթերը որոշում է մեկնել երկար ճանապարհորդության. Գրենլանդիա, Իսլանդիա և Հիմալայներ։ Խաբկանքի աշխարհից Ուոլթերը վերադառնում է իրականություն և հասկանում է որն է իրական կյանքը։
6
Վայրի / Дикая (2014)
1994 թվականին Ուիզերսփունի հերոսուհին՝ Շերիլ Սթրեյդը որոշում է միայնակ անցնել խաղաղօվկիանոսյան չորս հազար մետր երկարության զբոսաշրջային ճանապարհը, որպեսզի ազատվի մոր մահից և ամուսնալուծությունից առաջացած ծանր հոգեկան ապրումներից։
7
Անպարտելի / Преодоление (2006)
Կնոջը կորցնելուց և ուսուցչի աշխատանքը կորցնելուց հետո 30-ամյա բարմեն Վինս Պապալը որոշում է իրականացնել իր երազանքը։ Նրան հնարավորություն է տրվում մասնակցել մրցույթին, որը կազմակերպել է Philadelphia Eagles պրոֆեսիոնալ ամերիկյան ֆուտբոլի թիմի մարզիչ Դիկ Վերմեյլը, ով հրավիրել է բոլորին փորձել խաղացողներից մեկի տեղը: Արդյունքում հրաշք է տեղի ունենում, և Պապալեն, ով նախկինում նույնիսկ ուսանողական թիմում չի խաղացել, դառնում է պրոֆեսիոնալ մարզիկ...