Անջատեք AdBlock-ը՝ տեսանյութերը բարձր որակով դիտելու և
կայքը ճիշտ արտաբերելու համար:
Պրեմիում
Ինչպիսի մարտահրավերներ էլ որ կյանքը նետի ժամանակակից մեգապոլիսների բնակիչներին, դրանք անհամեմատելի են հորինված ապոկալիպտիկ սցենարների համեմատ: Մենք հավաքել ենք 7 սերիալ, որոնք ցույց կտան ոչ միայն ինչպես գոյատևել ցանկացած իրավիճակում, այլև ինչպես չպետք է ապրել:
1
Քայլող մեռյալները (2010)
Շերիֆի տեղակալ Ռիք Գրայմսը (Էնդրյու Լինքոլն) ծառայության ժամանակ վիրավորվում է հանցագործի արձակած փամփուշտից։ Գրայմսին տեղափոխում են մոտակա հիվանդանոց, որտեղ նա որոշ ժամանակ գտնվում է կոմայի մեջ։ Տևական ժամանակ անց Ռիքը արթնանում է կոմայից և հայտնաբերում, որ հիվանդանոցը կիսախարխուլ վիճակում է, և այնտեղ ոչ ոք չկա։ Հաջորդիվ, Գրայմսը պարզում է նաև, որ աշխարհը ենթարկվել է զոմբի-ապոկալիպսիսի. ամենուրեք երևում են քայլող մարդկային դիակներ՝ ծամծմված մարմիններով և սահմռկեցուցիչ հայացքներով։ Զոմբիները, որոնց (նաև պատկերապատումներում) պայմանականորեն կոչում են քայլողներ (walkers), նախկինում եղել են սովորական մարդիկ, որոնք մահացել են, այնուհետև «վերակենդանացել» որպես վտանգավոր արարածներ։ Ռիքը հայտնաբերում է նաև, որ կինն ու որդին անհետացել են։ Ապաստան գտնելով Մորգան անունով մի մարդու և նրա որդու՝ Դուեյնի մոտ, Ռիքը որոշակի պատկերացում է կազմում քայլողների մասին։ Նրան բացատրում են, որ քայլողին սպանելու միակ ձևը ուղեղը վնասելն է, քանի որ հենց ուղեղն է կառավարում արարածի՝ արդեն մահացած մարմինը։ Մոտակա ամայացած ոստիկանատանը սպառազինվելով՝ Ռիքը ուղևորվում է դեպի Ատլանտա` համարելով, որ «Հիվանդությունների վերահսկաման և կանխարգելման կենտրոն»-ը ինչ-որ լուծում տված կլիներ այդ անհասկանալի համաճարակին։ Այնուամենայնիվ, մուտք գործելով քաղաք Ռիքը պարզում է, որ տեղի բնակչությունը նույնպես զոմբիացվել է։
2
Հեղափոխություն (2012)
Մեր ամբողջ կյանքը կախված է էլեկտրականությունից։ Ի՞նչ կլինի, եթե այն հանկարծակի անհետանա: Մի օր, ասես անջատիչի մի շարժումով, ամբողջ աշխարհը հետ շպրտվեց դեպի խավար դարեր: Ինքնաթիռներն ընկան երկնքից, հիվանդանոցները հոսանքազրկվեցին, կապն անհնարին դարձավ։ Հիմա, առանց բոլոր ժամանակակից տեխնոլոգիաների, ո՞վ կպատասխանի, թե ինչու։ Աղետից 15 տարի անց կյանքը դարձել է նույնը, ինչ արդյունաբերական հեղափոխությունից առաջ էր. ընտանիքներն ապրում են հետնամասում, լապտերներ ու մոմեր են վառում արևի մայր մտնելու ժամանակ։ Կյանքը դարձել է ավելի հանգիստ և ավելի լավ: Բայց սա ճի՞շտ է:
3
Անձրև (2018)
Վեց տարի առաջ անձրևի կաթիլներում պարունակվող մահացու վիրուսը Երկրի երեսից ջնջեց գրեթե ողջ բնակչությանը: Appolo կորպորացիայի աշխատակցին, իմանալով մոտալուտ աղետի մասին, հաջողվել է երեխաներին թաքցնել հատուկ բունկերում, դստերը հրամայել է պաշտպանել կրտսեր եղբորը, իսկ ինքն էլ գնաց մարդկությանը փրկելու։ Վեց տարի անց դեռահասների սնունդը սպառվում է, ուստի քույրը որոշում է դուրս գալ և գնալ փնտրելու իր հորը, ով այդպես էլ չվերադարձավ:
4
Ձյան միջով (2020)
Աշխարհը տուժեց տեխնածին աղետից, որը հանգեցրեց նոր սառցե դարաշրջանի: Անդրեվրասիական մայրուղով շտապում է հսկա գնացքը՝ լցված ողջ մնացածներով։ Գնացքում խիստ դասակարգային հիերարխիա է՝ սկսած իշխող վերնախավից առաջին վագոններում, վերջացրած թիկունքում գտնվող ճնշվածներով։
5
Փրկվածները (2021)
Հետապոկալիպտիկ աշխարհի պատմություն, որտեղ շատ քիչ մարդիկ են մնացել, ովքեր կարողացել են գոյատևել քաղաքակրթության անկումից հետո: Նրանք բոլորն էլ վարակված են տարօրինակ վիրուսով, որն ազդում է ուղեղի քնի համար պատասխանատու հատվածի վրա։ Միայն դրսի միջամտությունն է մարդկանց քնից հանում, որը մի քանի ժամ հետո վերածվում է մահվան։ Թվում է, թե ընդհանուր դժբախտությունը պետք է համախմբի բոլոր փրկվածներին, բայց մարդիկ այլեւս չեն վստահում միմյանց։ Զինված խմբավորումները շրջում են բենզին և սնունդ փնտրելու համար, իսկ վայրի շների ոհմակները նույնքան վտանգ են ներկայացնում:
6
ԴՄԶ (2022)
Մոտ ապագայում Ամերիկայում քաղաքացիական պատերազմ է սկսվել։ Կա միայն մեկ առանց զենքի գոտի, որը ոչ ոքի կողմից չի վերահսկվում՝ դա Նյու Յորքի կենտրոնում է։ Հենց այնտեղ է, որ Ալմա անունով բժիշկը փորձում է գտնել կորած որդուն։
7
Մեզնից վերջինները (2023)
Իրադարձությունները ծավալվում են մարդկային քաղաքակրթության ավերակների վրա, որը ոչնչացման եզրին է անբուժելի սնկային վարակի պատճառով: Հիվանդությունը մարդկանց վերածում է հրեշների։ Ջոել Միլլերը իր դստեր մահից հետո, ուղեկցում է 14-ամյա Էլլիին: Էլլին անձեռնմխելի է վիրուսից, նա կարող է դառնալ հնարավոր նոր պատվաստանյութի ստեղծման բանալին: Նրանք ստիպված են միավորվել և օգնել միմյանց՝ ԱՄՆ-ի փլատակների միջով թափառելիս:
