Ֆիլմի գլխավոր հերոսը բանկի փոխնախագահ Էնդի Դյուֆրեյնն է, ով Մեն նահանգի դատարանի կողմից դատապարտվում է ցմահ ազատազրկման, իր կնոջ և սիրեկանի սպանության համար, ինչը սակայն նա իրականում չէր կատարել։ Նրան բանտարկում են Շոուշենկում, ամենադաժան ու մռայլ բանտերից մեկում։ Էնդին ծանոթանում է և մտերմանում սևամորթ բանտարկյալ Ռեդի հետ, ով իր կապերի միջոցով կարողանում էր գաղտնի բանտ ներմուծել տարբեր ապրանքներ։ Դյուֆրեյնը բանտի ղեկավարությանը օգնում է ֆինանսական և իրավաբանակն հարցերում, օգնում է լրացնել հարկային հաշվետվություններ։ Դյուֆրեյնը փորձում է յուրատեսակ հեղափոխություն մտցնել բանտարկյալների միապաղաղ կյանքում և պարպերաբար ԱՄՆ կոնգրեսին ուղարկված նամակ-խնդրանքների արդյունքում նրան են ուղարկում գրքեր, երաժշտական սկավառակներ, նաև դրամ:

Ոստիկանական դետեկտիվներ Ուիլիամ Սոմերսեթն ու Դեյվիդ Միլսը հետաքննում են իրեն Աստծու զենք համարող սերիական մարդասպան Ջոն Դոուի գործը։ Յոթ մահացու մողքերի համար հետևողականորեն պատժելու մոլուցքով նա իր զոհերին ենթարկում է ֆիզիկական և բարոյական մահացու կտտանքների, որոնք պատրաստում է սառնասիրտ հաշվենկատությամբ։ Յուրաքանչյուր պատիժ մանրակրկիտ պլանավորված է, իսկ յուրաքանչյուր զոհ (Դոուի ըմբռնմամբ) մարմնացումն է այն մեղքի, որի համար պատժվում է։ Փորձառու տանջողն ու մարդասպանը հանցանքի վայրում թողնում է միայն մեղքի անունը և խելացի հուշում-գլուխկոտրուկ, որը թույլ է տալիս գտնել հաջորդ «մեղսավորին»

31-ամյա մատուցողուհի Մեգի Ֆիցջերալդը (Հիլարի Սուենկ) գալիս է բռնցքամարտի մարզասրահ, որը պատկանում էր ավագ մարզիչ Ֆրենկ Դանին (Քլինթ Իսթվուդ)։ Դանը, ով տաղանդավոր մարզիչ էր, հրաժարվում է մարզել աղջկան, քանի որ նա «չի մարզում աղջիկներին»։ Չնայած դրան, Մեգին սկսում է մարզվել ինքնուրույն, ու արժանանում մարզիկների հարգանքին, այդ թվում՝ Դաննի ընկերոջ՝ փորձառու բռնցքամատիկ Էդի Դյուփրիի (Մորգան Ֆրիման), ում մականունն էր «Մետաղի ջարդոն» (անգլ. Scrap-Iron)։ Դյուփրին սկսում է մարզել աղջկան ու պարզում, որ նա շատ ընդունակ աշակերտուհի է։ Այդ ընթացքում, Դանի լավագույն աշակերտը՝ Ուիլլի Լիթիլը, ով աշխարհի լավագույն բռնցքամարտիկ տիտղոսի հավակնորդ էր, լքում է նրան։ Դանը, ով երկար ժամանակ չէր ընդունում Լիթլին աշխարհի առաջնության խաղերին ուղարկելու ոչ մի առաջարկ, զարմացած էր, որ աշակերտը լքեց իրեն։

Սլևինի բախտ չի բերում: Տունը կնքված է, իսկ ընկերուհին գնացել է ուրիշի մոտ… Նրա ընկերը` Նիկը, հեռանում է Նյու-Յորքից և առաջարկումէ Սլևինին ապրել իր բնակարանում: Այդ ժամանակ քրեական հեղինակություններից մեկը ցանկանում է վրեժ լուծել իր նախկին գործընկերոջից` Ռաբբիից, իր որդու սպանության համար և սպանել նրա ժառանգորդին: Նա ցանկանում է այդ գործը տալ Նիկին: Սլևինը ստիպված է լինում «մարել» ընկերջ պարտքը…

Ձգտելով օգտվել իր սկզբնական տաղանդից՝ անվասայլակով գամված գրողը տեղափոխվում է գյուղական քաղաք, որտեղ նա հանդիպում է միայնակ մոր և նրա երեք երեխաներին, որոնք օգնում են նրան վերականգնել գրելու հանդեպ իր ցանկությունը։

Գնդապետ Շոուն դաշնային բանակի սպա էր ամերիկյան քաղաքացիական պատերազմի ժամանակ։ Նա կամավոր դարձավ ԱՄՆ պատմության մեջ սևամորթ զինվորների առաջին ստորաբաժանման հրամանատարը: Գնդապետը պետք է նրանց վարժեցնի և տանի մարտի, բայց պատրաստվելու համար շատ քիչ ժամանակ կա, և առջևում վճռական ճակատամարտ է հարավի կանոնավոր զորքերի հետ։

Երկու հերոսներն էլ մահացու հիվանդ են և ընդամենը 1 տարվա կյանք ունեն: Միավորելով իրենց չիրականացած ցանկությունների ցուցակները՝ նրանք որոշում են ի կատար ածել դրանք, շրջագայել ամբողջ աշխարհով, հասցնել այն ամենը, ինչ չեն արել ողջ կյանքի ընթացքում և ուղղել հին սխալները: Այդ ֆիլմում չկա ոչ մի ավելորդ կադր կամ խոսակցություն, ֆիլմի յուրաքանչյուր րոպեն լցված է չափազանց հետաքրքիր սյուժեով և հզոր զգացմունքներով: Հերոսների յուրաքանչյուր խոսակցություն ի վերջո հանգեցնում է այն մտքին, որ ապրել պետք է ոչ թե վաղը, 1 շաբաթից, այլ հիմա:

Չորսամյա Ամանդա ՄաքՔրեդին անհետանում է Բոստոնի արվարձաններից մեկում։ Երբ իշխանությունները հրաժարվում են անհետ կորած աղջկան գտնելու փորձից, նրա մորաքույրը երկու մասնավոր քննիչների՝ Պատրիկ Քենզիին և Անջելա Ջեննարոյին խնդրում է հետաքննություն սկսել։ Սկզբում նրանք չեն շտապում վերցնել անհույս գործը, բայց նոր հանգամանքները ստիպում են նրանց վտանգի տակ դնել ոչ միայն իրենց մասնագիտական ​​հեղինակությունը, այլև կյանքը:

Մի՞թե ես մենակ չեմ։ Ինչ է սերը? Ինչպե՞ս սովորել սիրել: Այս հարցերի պատասխանները փնտրում են ֆիլմի հերոսները։ Սովորական մարդիկ Օրեգոնի սովորական քաղաքից հավաքվում են նեղ շրջապատում՝ Հարի Սքոթի ղեկավարությամբ, որպեսզի հասկանան կյանքում ամենաառեղծվածայինը՝ սիրո առեղծվածը։