Սովորական Կրենկովների ամերիկյան ընտանիքը ամեն տարի նշում էր Սուրբ ծննդյան տոները, բայց մի տարի երբ նրանց աղջիկը մեկնում է այլ երկիր սովորելու նպատակով, Լյուտերը ցանկանում է իր կնոջ հետ մեկնել Կարիբյան կղզի և այնտեղ անցկացնել Ամանորյա տոները, այդպիսով տնտեսելով ավելի քան 6000$: Ամուսինները որոշում են, որ այս մի տոներին չի լինելու ոչ մի տոնածառ, ոչ մի ձմեռպապ և այլն։ Այդպիսով նրանք չեղարկում են Սուրբ ծնունդը։

Այդ ամենի մասին շատ շուտով տեղեկանում է Կրենկովի հարևաններից մեկը, իսկ արդեն դրա մյուսը օրը ամբողջ քաղաքն է տեղեկանում Լյուտերի մտքերի մասին։ Քաղաքացիները սկսում են միտինգների և բողոքի ակցիաների միջոցով հետ քաշել նրանց այդ մտքից, Լյուտերի կինը՝ Նոռան արդեն պատրաստ էր ետ քաշվել այդ մտքից, և նույնիսկ փորձում էր ամեն կերպ մտնել այդ տոնական տրամադրության մեջ՝ իր տանը տեղադրելով տոնածառ, իսկ դրսում՝ ձմեռպապ։ Բայց տան տղամարդու ասածը օրենք է։ Սակայն ամեն ինչ փոխվում է այն պահից սկսած, երբ ծնողների մոտ պետք էր վերադառնալ նրանց աղջիկը՝ Բլերը, իր ամուսնու հետ։ Կրենկներին պետք էր շտապ վազել խանութներ, որպեսզի հասցնեին ամանորյա պատրաստություն տեսնել, մինչև իրենց աղջկա գալը։

Տոնածառի գնելը և հյուրասիրության նախապատրաստվելը անիմաստ և հուսահատ էին։ Ոստիկանությունը ձերբակալում է Լյուտերին, քանզի նա իր հարևանների կարծիքով փորձում էր գողություն կատարել։ Պարզվում է, որ ամեն ինչ կորած է, սակայն ամենադժվարին պահին Լյուտերին օգնության ձեռք է մեկնում նրա հարևան Վիկ Ֆրոմեյրան։ Նա որոշում է, որ աղջիկը չպետք է խանգարի սուրբ ծննդյան հրաշքի իրագործմանը, և ամբողջ բնակիչները պետք է օգնեն Լյուտերին Սուրբ ծնունդի հավաքույթին պատրաստվելու համար։ Բլերին դիմավորելու և տուն ուղեկցելու համար եկել էին ոստիկանները, սակայն քանի որ Բլերը նախատեսվածից շուտ էր եկել, ոստիկանները պետք է ամեն գնով ուշ հասնեին հավաքույթին, որպիսզի ամեն ինչ պատրաստ լիներ։ Ամեն ինչ շատ լավ է վերջանում, իսկ Լյուտերը իր տոմսերը, որոնք գնել էր Կարիբյան կղզի գնալու համար տալիս է իր հարևանին, և ինքը իր ընտանիքի հետ միասին ապրում է իր սեփական տանը՝ ուրախ և երջանիկ։