Ռենդոլ Ռեյնսը (Նիկոլաս Քեյջ)՝ «Մեմֆիս» մականվամբ, երկար բացակայությունից հետո պետք է վերադառնա իր հարազատ քաղաք. նրա եղբայրը՝ Քիփ Ռեյնսը (Ջովաննի Ռիբիզի) 50 թանկարժեք մեքենաների առևանգման պատվեր է ընդունել Ռեյմոնդ Վինսենտ Կալիտրիից (Քրիստոֆեր Էքլեսթոն) և չի կարողացել կատարել այն։ Ռենդոլը փորձել է վերադարձնել եղբոր պարտքը, բայց Կալիտրին ստիպել է ընդունել պատվերը, չնայած այն բանի, որ նա իր մորը խոսք էր տվել չվերադառնալ այդ ամենին։ Հասկանալով, որ միայնակ այդ ամենը նա գլուխ չի բերի՝ նա գնում է իր հին ընկերներից մեկի՝ Օտտոյի (Ռոբերտ Դյուվալ) ավտոտնակ, որտեղ նրանք միասին փորձում են գտնել իրենց նախկին գործընկերների հետ կապվելու միջոցները։ Այդ ամենից հետո՝ այդ խմբին է միանում նաև Ռենդոլի եղբայրը և նրա ընկերները. միասին նրանք սկսում են գործողությունը։ Բայց, չնայած առևանգողների վարպետությանը, Մեմֆիսը չի կարողանում ժամանակին տեղ հասցնել լեգենդար Eleanor (Shelby GT500 67 թվականի) մեքենան։ Հայտնվելով Կալիտրիի մոտ՝ Մեմֆիսը փորձում է համոզել իր պատվիրատուին, որ մի քանի րոպեի ուշացումը էական չէ և առաջարկում է թողնել 100 հազար դոլլար իր մոտ՝ խոստացված 200 հազարից, սակայն Կալիտրին չի համաձայնում և «Մեմֆիս»-ին տանում են գլխատման։ Սակայն Ռենդոլի վաղեմի ընկեր և ոստիկան Քասթլբեկը (Դելրոյ Լինդո) խանգարում է Կալիտրիին սպանել Ռենդոլին՝ շեղելով թշնամուն իր վրա։ Կալիտրին արդեն պատրաստվում է սպանել Քասթլբեկին, սակայն Ռենդոլը հրում է Կալիտրիին, և նա ընկնում է բարձրությունից ու մահանում։ Կարճատև շփումից հետո ոստիկանական դետեկտիվը բաց է թողնում Ռենդոլին այն բանի համար, որ նա փրկեց իր կյանքը։ Հեռանալուց առաջ «Մեմֆիսը» տեղեկացնում է Քասթլբեկին առևանգված մեքենաների գտնվելու վայրը։