Կորածը

Ամուսնության հինգերորդ տարելիցի օրը Նիք Դանը, վերադառնալով տուն, հայտնաբերում է, որ իր կինը՝ Էմի Դանը, անհետացել է։ Կնոջ անհետացումը գրավում է հանրության ուշադրությունը, քանի որ նրա ծնողները հայտնի էին իրենց գրած «Սուպեր Էմի» մանկական գրքերի շարքով։ Հետագայում կասկածներ են առաջանում, որ հենց Նիքն է սպանել իր կնոջը։

Նիքն ու Էմին ապրում էին Նյու Յորքում, սակայն ռեցեսիայի պատճառով կորցնում են աշխատանքը և ստիպված են լինում տեղափոխվել Միսսուրի։ Դետեկտիվ Ռոնդա Բոնին գտնում է փաստեր ընտանիքի ֆինանսական խնդիրների, տնային վեճերի մասին, ինչպես նաև գտնում է վատ բեմականացված վեճի հետքեր և պարզում է, որ Էմին ցանկանում էր գնել ատրճանակ, քանի որ վախենում էր իր ամուսնուց։ Բոլորն էլ ավելի են ցնցվում, երբ իմանում են, որ Էմին հղի է եղել։

Նիքը վարձում է հայտնի փաստաբան Թաններ Բոլտին։ Բացի այդ՝ Նիքը ծանոթանում է Էմիի նախկին ընկերների՝ Էմիին բռնաբարելու մեջ մեղադրված Թոմմի Օհարայի և հարուստ Դեզի Քոլինգսի հետ, որին դատարանը արգելել էր մոտենալ Էմիին։

Նիքը կարողանում է համոզել իր քրոջը՝ Մարգոյին, որ նա մեղավոր չէ, և նրանք փորձում են պարզել, թե ինչ է եղել իրականում Էմիի հետ։