Քաղցած խաղեր

Բռնապետական կառավարությունը ամեն տարի ցուցադրում է գոյատևման խաղեր, որին ուղիղ երթերով հետևում է ամբողջ աշխարհը։ Ամեն տարի կառավարության մարդիկ այցելում են դիստրիկտներ և ընտրում մեկ տղա և մեկ աղջիկ։ Ընտրվածները կոչվում են տրիբուտներ, այսինքն խաղին մասնակցում է 24 տրիբուտ։ 12-րդ դիստրիկտից ընտրվում է ֆիլմի հերոսուհու՝ Քեթնիս Էվերդինի քույրը՝ Փրիմրոուզը։ Քեթնիսը, հայտնվելով այդպիսի իրավիճակում, փրկում է քրոջ կյանքը և հայտարարում է, որ ցանկանում է ինքնակամ մասնակցել խաղերին։ Տղաներից ընտրվում է Փիթ Մալլերկը։ Խաղի կանոնները հետևյալն են՝ 24 տրիբուտները պետք է անեն հնարավոր ամեն ինչ, որպեսզի գոյատևեն։ Ի վերջո, նրանցից միայն մեկը պետք է ողջ մնա։ Մինչ խաղերի սկսվելը, Փիթը հայտարարում է, որ սիրային կապի մեջ է Քեթնիսի հետ, ինչը բարկացնում է Քեթնիսին, քանի որ նա սիրում էր Գեյլին։ Սակայն նա ստիպված է լինում հաստատել դա, որպեսզի ողջ մնա։ Քեթիսը խաղերի ժամանակ անցնում է բազմաթիվ փորձությունների միջով։ Նրան օգնում են Հեյմիչը և Էֆֆին։