Բոլոր ժամանակների լավագույն 10 ֆիլմերը ըստ Եգոր Գլումովի

KINETOON-ը սկսում է հոդվածների շարք, որտեղ ձեր ուշադրությանը կներկայացնենք հայտնի մարդկանց վարկածով 10 լավագույն ֆիլմերը։

Այսօր կներկայացնենք հայտնի շոումեն և հաղորդավար Եգոր Գլումովի վարկածով լավագույն 10 յուրօրինակ ֆիլմերի ցանկը, որտեղ կգտնեք՝ հին սովետական ֆիլմերից մինչև նոր ամերիկյան բլոկբաստերներ։
10 Ջենտլմեններ (2020)
Օքսֆորդի տաղանդավոր շրջանավարտն օգտագործելով իր սուր միտքը եւ հանդգնությունը՝ հորինում է ապօրինի հարստացման պլան`օգտագործելով աղքատացած անգլիական ազնվականության կալվածքը: Սակայն, երբ նա որոշում է իր բիզնեսը վաճառել ամերիկացի միլիարդատերերի ազդեցիկ կլանին, նրա ճանապարհին կանգնում են ուրիշ ջենտլմեններ, որոնք հաստատ չեն հանձնվի առանց փոխհրաձգության եւ մի քանի դժբախտ պատահարների։
9 Ծաղկի լուսնի սպանողները (2023)
ֆիլմը պատմում է հնդկացիական Օսեյջեյ բնակավայրում 1920-ական թվականներին տեղի ունեցած հետաքննության մասին, որտեղ բացահայտվել է նավթի հանքատեղ, ինչի արդյունքում հարստացել են տեղի բնակիչները և, ավելի ուշ, մահացել։ Ոստիկանությունը այնտեղ գործակալներ է ուղարկում՝ սպանությունները բացահայտելու համար:
8 Ուրացողները (2006)
Ոստիկանության ակադեմիայի լավագույն շրջանավարտներից երկուսը հայտնվել են բարիկադի հակառակ կողմերում. նրանցից մեկը մաֆիայի գործակալ է ոստիկանության շարքերում, մյուսը՝ մաֆիայի մեջ ներթափանցված «առնետ»։ Թշնամուն բացահայտելն ու ոչնչացնելը բոլորն իրենց պարտքն են համարում, բայց խեղաթյուրված իրականության մեջ կյանքը փոխում է հերոսների ներաշխարհը։
7 Մի անգամ Հոլիվուդում (2019)
Իրադարձությունները տեղի են ունենում վաթսունականների ամռանը Լոս Անջելեսում: Աշխարհահռչակ շոուի նախկին հեռուստաաստղ Ռիկ Դալթոնը իր լավ ընկերոջ և կասկադյոր Քլիֆ Բութի հետ միասին ճանապարհ է փնտրում դեպի մեծ կինո։ Միևնույն ժամանակ Լոս Անջելեսում «ընտանիք» կոչվող հանցավոր խմբավորումը, որը գլխավորում է երաժիշտ Չարլի Մենսոնը իրականացնում է տարօրինակ առեղծվածային ծեսեր և սպանում անմեղ մարդկանց։ Խմբավորման գործերը ցնցում են քաղաքը, հատկապես հայտնիներին, քանի-որ հենց նրանց են դաժան որսում։ Գլխավոր հերոսները հայտնվում են իրական մղձավանջի մեջ...
6 Քրեական ընթերցվածք (1994)
Ֆիլմի սյուժեն բաղկացած է մի քանի պատմություններից, որոնք հատվում են միմյանց հետ։ Երկու հանցագործներ՝ Ջուլսը և Վինսենթը, ովքեր աշխատում են խոշոր քրեական հեղինակություն Մարսելլաս Ուոլասի մոտ, ստանում են հերթական առաջադրանքը․ նրանք պետք է վերցնեն բոսսի ճամպրուկը: Ջուլսը անընդհատ փիլիսոփայական զրույցներ է սկսում Աստծո մասին, սակայն Վինսենթին դրանք չեն հետաքրքրում, քանի-որ երեկոյան նա պետք է զվարճացնի շեֆի կնոջը, և դա կարող է սպառնալ նրան լուրջ անախորժություններով․․․
5 Քաջ սիրտը (1995)
Ուիլյամ Ուոլեսը իսկական պատմական դեմք է և Շոտլանդիայի ազգային հերոս: Նա մնաց առանց կնոջ ու հարազատների և քաջաբար կռվեց նվաճողների դեմ՝ ստրկության մեջ գտնվող ու անօրինականությունից տառապող իր հողի ազատագրման համար։ Նա առաջնորդեց անգլիական ճնշումներից տառապող ժողովրդին, վստահություն ներշնչեց նրանց հաղթանակի նկատմամբ և հնարավորություն տվեց մասնակցել ազատության և իրենց սիրելիների համար ապահով կյանքի համար մղվող պայքարին։
4 Ամերիկյան պատմություն X (1998)
Տեղական խմբավորման առաջնորդ Դերեկ Վինյարդը իրենց թաղամասում շարունակում է ամուր պահել իր իշխանությունը: Վստահ լինելով իր ճշմարտացիության մեջ` նա դաժանորեն հաշվեհարդար է տեսնում նրանց հետ, ովքեր սպիտակ մաշկի գույն չունեն: Դերեկի անկախությունն ու համարձակությունը նրա փոքր եղբոր` Դեննի հիացմունքն են առաջացնում: Վերջինս նույնպես իր ընրությունն արդեն կատարել է, սակայն երկու սևամորթների գազանաբար սպանությունը, որը կատարվում է Դերեկի ձեռքով, երկու եղբայրների ճանապարհները բաժանում է: Դերեկը հայտնվում է բանտում, որտեղ առկա է առանձին իշխանություն, իսկ Դեննին ազատաության մեջ հաջող կերպով շարունակում է եղբոր գործը այնքան ժամանակ, քանի դեռ նրանց ուղիները նորից չեն հանդիպում…
3 Խաչմերուկ (1986)
Երաժշտական ​​երիտասարդ տաղանդ Յուջինը երազում է մի օր դառնալ հայտնի բլյուզ կիթառահար: Միայն մեկը, ով կարող է օգնել նրան այս հարցում, բլյուզի լեգենդ Վիլի Բրաունն է։
2 Թռիչք կկվի բնի վրայով (1975)
Ֆիլմը բանտից հոգեբուժարան տեղափոխված արկածախնդիր Ռենդլ ՄակՄյորֆիի մասին է, ով ընդվզում է հոգեբուժարանի գլխավոր բժշկուհու՝ Ռետչեդ սահմանած կանոնների դեմ և ցանկանում է, այսպես ասած, «հեղափոխություն» մտցնել հիվանդների կյանքում։ Մի քանի անգամ փախուստի դիմելով՝ ՄակՄյորֆին պարզում է, որ հիվանդների մեծ մասը ինքնակամ է եկել հոգեբուժարան՝ բուժվելու, ինչը խիստ զարմացնում է կրակոտ բնավորություն ունեցող ու կենսախինդ նախկին բանտարկյալին։
1 Դերսու Ուզալա (1975)
Ռուս գիտնական և գրող Վլադիմիր Արսենևը ճանապարհորդում է տայգայով, որտեղ հանդիպում է տեղացի որսորդ Դերսու Ուզալին՝ իմաստուն, բարի և խիզախ մարդու:
Ավելացնել մեկնաբանություն
KINOTOON
Marieta Virabyan
chashakov !!!
Աննա Մուրադյան
Հիյանալի ցանկ է։ Շնորհակալություն․