Առաջին սեզոն. 2006 թվականի հունվարին հանցագործ և սոցիոպաթ Լորն Մալվոն անցնում է Մինեսոտա նահանգի Բեմիջի փոքրիկ քաղաքով։ Հիվանդանոցում պատահական հանդիպումը անհաջող ապահովագրական գործակալ Լեսթեր Նայգարդի հետ ողբերգականորեն փոխում է վերջինիս կյանքը՝ առաջացնելով մի շարք դաժան սպանություններ, որոնք սկսում են հետաքննել տեղի ոստիկանները՝ ակտիվ, իրենց մասնագիտությունը սիրող Մոլլի Սոլվերսոնը և Գաս Գրիմլին։

Երկրորդ եթերաշրջան. Գեղեցկության սրահի աղջիկ Փեգի Բլումքվիստը և նրա ամուսին Էդը՝ մսավաճառի օգնականը, փորձում են կոծկել Ֆարգոյից ազդեցիկ հանցագործ ընտանիքի ղեկավար Ֆլոյդ Գերհարդտի որդու՝ Ռայ Գերհարդտի սպանությունը։ Միևնույն ժամանակ, ոստիկան Լու Սոլվերսոնը և Շերիֆ Հենք Լարսոնը հետաքննում են Ռի Գերհարդտի կողմից կատարված եռակի սպանությունը։

Երրորդ եթերաշրջան։ Սյուժեն ծավալվում է սիրահար զույգի՝ Ռեյ Ստասսիի և Նիկի Սվանգոյի շուրջ, ովքեր Ռեյի եղբորը՝ Էմիթիին թալանելու անհաջող փորձից հետո, ներքաշվում են կրկնակի սպանության գործի մեջ։ Զոհերից մեկը առեղծվածային անցյալով տարեց տղամարդ է, ում որդեգրած դուստրը՝ Գլորիա Բուրգլը, աշխատում է ոստիկանությունում։ Միևնույն ժամանակ, Էմիթը փորձում է խզել կապերը կասկածելի կազմակերպության հետ, որից մեկ տարի առաջ պարտքով գումար էր վերցրել, սակայն ընկերությունն իր ներկայացուցիչ Վ. Մ. Վարգայի հետ այլ ծրագրեր ունի։

Չորրորդ եթերաշրջան. Պատմությունը սկսվում է Կանզաս Սիթիում (Միսսուրի) 50-ականներին, որտեղ մաֆիոզ խմբերը պայքարում են առաջնորդության համար։ Հրեաները թշնամանում են իռլանդացիների հետ, իռլանդացիները՝ իտալացիների, իտալացիները՝ աֆրոամերիկացիների հետ։ Եվ այս քաղաքում մեկ ավանդույթ կա՝ ի նշան կլանների միջև համաձայնության և զինադադարի, առաջնորդները փոխանակում են որդիներին և մեծացնում նրանց որպես իրենց: Իտալական մաֆիան փխրուն խաղաղություն է հաստատում աֆրոամերիկացիների հետ, և այժմ ստվերային բիզնեսը գտնվում է ընդհանուր վերահսկողության տակ, բայց հետո տեղի է ունենում անսպասելին՝ իտալական կլանի ղեկավարը մահանում է հիվանդանոցում։